eBOSS 2025: Pagrehistro ng 13,515 negosyo sa Imus
Buong puwersang pinagserbisyuhan ng Pamahalaang Lungsod ng Imus ang mga nagparehistro ng kanilang mga negosyo sa Electronic Business One-stop Shop (eBOSS) mula Enero 2–31, 2025, sa New Imus City Government Center.
More Info
Cong. AJ naghatid ng bakuna kontra influenza sa 5,011 lolo’t lola
Sa pamamagitan ng tanggapan ni Congressman Adrian Jay “AJ” C. Advincula, nabakunahan ang 5,011 lolo at lolang Imuseño ng bakuna kontra influenza ngayong Enero 2025 sa iba’t ibang City Health Centers ng lokal na pamahalaan. Tuloy-tuloy rin ang paghahatid ni Cong. AJ ng mga programang pangkalusugan para sa bawat Imuseño.
City of Imus Sports Complex nagbagong-bihis
Ilang araw bago ang pagsisimula ng 3rd Congressman AJ Cup, natapos na ang pagbabalik-sigla at ganda ng City of Imus Sports Complex. Sa pagtutulungan nina Imus City Mayor Alex “AA” L. Advincula at Congressman Adrian Jay “AJ” C. Advincula, napalitan ang flooring, napinturahan, nakumpuni ang bubong, at naisaayos ang linya ng kuryente ng naturang sports complex. Ilan ito sa mga pasilidad na patuloy na isinasaayos ng administrasyong Advincula para malinang pa ang kasanayan ng mga Imuseño sa iba’t ibang larangan ng sports.
2,200 Imuseño ipinagdiwang ang Salita ng Diyos ngayong National Bible Month 2025
Pinuri, pinasalamatan, at isinabuhay ng humigit-kumulang 2,200 Kristiyanong Imuseño ang Salita ng Diyos sa pagdiriwang ng National Bible Month nitong Biyernes, Enero 31, 2025, sa City of Imus Sports Complex.
More Info
Imus PESO hinirang na High Performing PESO in Referral and Placement of Qualified Jobseekers
Iginawad sa Imus Public Employment Service Office (PESO) ang pinakamataas na parangal bilang High Performing PESO in Referral and Placement of Qualified Jobseekers Component City Category sa idinaos na Year-end Performance Assessment and Planning Exercises ng Department of Labor and Employment Region IV-A nitong Enero 29, 2025, sa Lucena City, Quezon. Isa itong testamento sa pagsusumikap ng Pamahalaang Lungsod ng Imus na matiyak na angkop sa kakayahan at kasanayan ng mga Imuseño ang trabahong kanilang inaaplayan.
Gawad KALASAG Seal of Excellence iginawad sa Imus LGU
Sa tatlong sunod-sunod na taon, nakakuha ng Beyond Compliant rating o 2.83 rating ang Office of the City Disaster Risk Reduction and Management Office (CDRRMO) ng Pamahalaang Lungsod ng Imus sa ika-24 na Gawad KALASAG (KAlamidad at Sakuna LAbanan, SAriling Galing ang Kaligtasan) Seal for Local DRRM Councils and Offices (LDRRMCOs) Category ng National DRRMC nitong Enero 28, 2025.
More Info
Pagdalo ni Mayor AA sa mga pagpupulong ng LSB at GFPS
Pinangunahan ni Imus City Mayor Alex “AA” L. Advincula ang mga unang pagpupulong ngayong taon ng Local School Board (LSB) at ng Gender and Development Focal Point System (GFPS) nitong Enero 28, 2025, sa New Imus City Government Center.
More Info
3rd Congressman AJ Cup Inter-cluster Volleyball Tournament, naging mainit ang pagsisimula
Lumagablab ang pananabik ng mga balibolistang Imuseño sa pagbubukas ng Third Congressman AJ Cup Inter-cluster Volleyball Tournament nitong Enero 26, 2025, sa City of Imus Sports Complex.
More Info
3rd Congressman AJ Cup Inter-Mother Barangay Basketball Tournament: Muling paghaharap ng mga koponan sa Imus
Opisyal nang binuksan ni Congressman Adrian Jay “AJ” C. Advincula ang Third Congressman AJ Cup Inter-Mother Barangay Basketball Tournament nitong Enero 25, 2025, sa City of Imus Sports Complex.
More Info
2,000 kababaihang Imuseño, pinagkalooban ng tulong pinansyal ng Cavite LGU
Sa pakikipagtulungan ng Pamahalaang Panlalawigan ng Cavite sa Pamahalaang Lungsod ng Imus, dinala ni Governor Athena Tolentino ang kaniyang Women’s Welfare Program sa Imus nitong Enero 22, 2025, kung saan nakasama niya sina Congressman Adrian Jay “AJ” C. Advincula, Imus City Mayor Alex “AA” L. Advincula, Imus City Vice Mayor Homer “Saki” T. Saquilayan, at mga konsehal. Tinatayang humigit-kumulang 2,000 kababaihang Imuseño ang pinagkalooban ng P2,000 tulong pinansyal, kabilang na ang iba’t ibang mga papremyo mula sa ginanap na raffle draw.
83,333 mag-aaral sa Imus nakatanggap ng mosquito repellant
Sa layuning maprotektahan ang mga mag-aaral mula sa mga sakit na dala ng lamok gaya ng dengue, pinangunahan ni Imus City Mayor Alex “AA” L. Advincula at ng Team AJAA ang paglunsad sa pamamahagi ng mosquito repellant lotion sa 83,333 pampublikong mag-aaral sa Imus nitong Enero 20, 2025, na ginanap sa Imus National High School (INHS).
More Info
Medical and Dental Mission, dinali ni Vice Governor Shernan Jaro sa Imus
Sa pakikipagtulungan ng tanggapan ni Vice Governor Shernan Jaro sa Pamahalaang Lungsod ng Imus, nahandugan ng libreng konsultasyon sa kalusugan at ngipin ang 600 Imuseño noong Enero 14, 2025, sa Greengate Subdivision.
More Info
Mga opisyal ng Imus LGU, nanumpa sa isang malinis at payapang eleksyon
Nakiisa sina Congressman Adrian Jay “AJ” C. Advincula, Imus City Mayor Alex “AA” L. Advincula, Imus City Vice Mayor Homer “Saki” T. Saquilayan, at mga konsehal sa ginanap na Unity Walk, Peace and Interfaith Rally, at Covenant Signing ng Commission on Elections at Philippine National Police noong Enero 13, 2025. Ang pakikiisang ito ay sumisimbolo sa dedikasyon ng mga lingkod bayan sa isang malinis, mapayapa, at matapat na halalan.
Job Matching Activity para sa Landers Imus, nakapagtala ng 488 aplikante
Matagumpay na idinaos ng Imus Public Employment Service Office ang Job Matching Activity para sa nalalapit na pagbubukas ng Landers Imus noong Enero 10, 2025, sa New Imus City Government Center. Tinatayang nasa 89 na aplikante ang natanggap agad, habang 119 naman ang nearly hired mula sa 488 aplikante. Sa pamamagitan ng Job Matching Activity ng Pamahalaang Lungsod ng Imus, nakahahanap ang mga Imuseño ng trabahong angkop sa kanilang kakayahan.