Lab for Love sa kalusugan ng mga Imuseño

Ngayong panahon ng pagmamahalan, inilunsad ng Pamahalaang Lungsod ng Imus ang programang “Lab for Love” libreng laboratory tests nitong Disyembre 1, 2024, sa City of Imus Diagnostic Laboratory, Malagasang I-G.

Mula Lunes hanggang Biyernes, maaaring magpa-laboratory test ang mga sumusunod na Imuseño:

• Uniformed personnel at guro tuwing Lunes
• Senior citizens, mga may kapansanan, at mga buntis tuwing Martes
• Mga drayber ng tricycle, pedicab, jeepney, at delivery riders tuwing Miyerkules
• Healthcare workers tuwing Huwebes
• Mga opisyal ng barangay at miyembro ng sangguniang kabataan tuwing Biyernes.

Narito ang listahan ng mga laboratory tests na maaaring maipagawa:

• Fasting Blood Sugar
• Blood Urea Nitrogen
• Creatinine
• Blood Uric Acid
• Lipid Profile (Cholesterol, Triglycerides, HDL, LDL, VLDL)
• Complete Blood Count with Platelet Count.

Magdala ng valid identification card o kahit anong dokumentong nagpapatunay na ikaw ay residente ng Imus. Pinaaalalahanan din ang mga magpapa-eksamin na mag-fasting 10 oras bago isagawa ang laboratory testing, gawin ang fasting sa gabi, at huwag kumain, uminom, o manigarilyo.

Mahalin ang inyong kalusugan, Imuseño.