Imus AJAA Gunners kampeon sa 1 st Cavite Football Cup

Pinatunayan ng Imus AJAA Gunners ang galing ng mga kabataang Imuseño sa larong football nang masapul nito ang kampeonato sa kauna-unahang Cavite Football Cup Championship nitong Setyembre 21, 2024, sa City of Imus Grandstand and Track Oval.

Sa puntos na 4-1, nasungkit ng koponan ang tropeo, P100,000, at gift vouchers mula sa Eight Cup at Chachago Imus.

Naiuwi naman ng Carmona Panthers ang first place, tropeo, at P75,000.

Sa battle of third, wagi ang Dasmariñas Monarchs na makuha ang second place, tropeo, at ang P50,000 sa puntos na 6-4 kontra Batang GenTri.

Nakatanggap naman ng consolation prize na P25,000 ang pitong koponang lumahok sa nasabing football cup.

Ang First Cavite Football Cup ay pinangunahan ng Cavite Sangguniang Kabataan (SK) Federation sa pamumuno ni SK President Chelsea Sarno.