Imus LGU sinimulan ang pamamahagi ng Angat ang May Alam School Bags at School Supplies

Sa pangunguna ni Congressman Adrian Jay “AJ” C. Advincula, inilunsad ang distribusyon ng Angat ang May Alam School Bags and School Supplies para sa 355 Early Childhood Care and Development learners ng mga barangay Bucandala IV at V nitong Setyembre 20, 2024.

Bukod sa school bags at supplies, pinagkalooban din ang mga batang Imuseño ng dental kits at fluoride upang masiguro ang kalusugan ng kanilang mga ngipin.

Bahagi rin ng paglunsad sina Konsehal Yen Saquilayan, Konsehal Jelyn Maliksi, Konsehal Darwin Remulla, at Sangguniang Kabataan Federation President Glian Ilagan.

Kaagapay sa nasabing programa ang Imus City Health Office, Imus City Social Welfare and Development, at ang Team AJAA.

Hangad ng lokal na pamahalaan ng Imus na patuloy na maiangat ang kalidad ng edukasyon at atensyong medikal na ibinibigay sa bawat batang Imuseño.