Bagong playground slides, handog nina Mayor AA, Cong. AJ sa 3 child development centers sa Imus

Inihatid nina City Mayor Alex “AA” L. Advincula at Congressman Adrian Jay “AJ” C. Advincula ang mga bagong playground slide sa tatlong child development centers na kinabibilangan ng Patio Tirona sa Brgy. Malagasang II-D, Little Fingers sa Brgy. Malagasang II-A, at Woodlane sa Brgy. Malagasang I-B noong Biyernes, Pebrero 2, 2024.

Ipinagkaloob din ng lokal na pamahalaan, sa pamamagitan ng Local Council for the Protection of Children, ang mga bagong TV at laruan na magagamit ng mga bata sa kanilang pagkatuto.

Nakatanggap din ang mga chikiting ng happy meal toys mula sa McDonald’s Philippines.

Inihayag naman ni Mayor AA ang planong pagtatatag ng livelihood training center malapit sa mga child development center upang mapayabong pa ang kaalaman ng mga magulang habang sila ay naghihintay sa kanilang mga anak.

Samantala, ibinahagi ni Cong. AJ ang muling paglunsad ng kaniyang programang dental mission para sa pangangalaga ng mga ngipin ng mga batang Imuseño.