Mayor AA, kinilala ang mga nagsipagtapos sa Summer Reading Program ng Public Library

IMUS CITY GOVERNMENT CENTER—Binati ni City Mayor Alex “AA” L. Advincula ang mga kabataang Imuseño na matagumpay na natapos ang Summer Reading Program ng City Public Library sa awarding ceremony nito noong ika-15 ng Agosto.

Kaagapay rin ng programa ang Imus Youth Leadership Program (IYLDP) at ang Sangguniang Kabataan (SK) Federation na pinangungunahan ni SK President Joshua Guinto.

Ngayong taon, nagbalik ang Summer Reading Program upang ma-develop ang kasanayan at mapunan ang kakulangan sa pagbabasa ng mga kabataan. Ang programa ay nagtagal mula ika-5 ng Hulyo hanggang ika-12 ng Agosto.