2024 budget ng Imus, pinag-usapan / 2024 budget ng Imus, isinapinal

IMUS, Cavite — Pinangunahan ni City Mayor Alex “AA” L. Advincula ang tatlong araw na talakayan patungkol sa iminungkahing pondo ng iba’t ibang tanggapan ng Pamahalaang Lungsod ng Imus para sa taong 2024 noong Setyembre 6 hanggang 8, 2023.

Tinatayang nasa P3.1 bilyon ang kabuuang pondo ng Pamahalaang Lungsod ng Imus para sa susunod na taon. Gugugulin ito ng lokal na pamahalaan sa mga serbisyo, programa, at proyektong patuloy na magpapaunlad sa lungsod.

Kabilang na ang mga programa at proyektong bahagi ng five-point agenda ni Mayor AA: ang kalusugan, edukasyon, at serbisyo publiko, mabuting pamamahala, pabahay at kabuhayan, imprastraktura, at kapaligiran.

Ipinahayag naman ni Mayor AA ang determinasyon ng kaniyang administrasyon na maiangat pa ang antas ng buhay ng mga Imuseño.