City of Imus Grandstand, pinagdausan ng kauna-unahang Marestella Long Jump Queen Competition

GRANDSTAND AND TRACK OVAL—Ginanap ang kauna-unahang Marestella Long Jump Queen Competition, pinangunahan ng City Sports Development Unit, noong ika-30 ng Hulyo.

Ang paligsahan ay nilahukan ng 64 na manlalaro. Ito ay nahati sa apat na kategorya, kung saan nasungkit ni Janry Ubas ang gold medal sa 18 Up Men Category at nakuha ni Abcd Agamanos ang gold medal sa 18 Up Women Category. Pagdating sa 13 – 17 Years Old Boys Category, napanalunan ni Renchard Pagulayan ang gold medal, habang hinirang na gold medalist si Rica Mae Balderama sa 13 – 17 Years Old Girls Category.

Inilunsad ito ni Marestella Torres-Sunang: isang three-time Olympian sa long jump, gold medalist sa 2009 Asian Championships, at 4-time Southeast Asian Games gold medalist.