SDO Imus, idinaos ang 2026 Stakeholders’ Convergence and Recognition

isinulat ni Renzie Mae Cuevas

Sa pakikipagtulungan sa Pamahalaang Lungsod ng Imus, isinagawa ng Schools Division Office (SDO) Imus City ang 2026 Stakeholders’ Convergence and Recognition sa Function Hall, New Imus City Government Center nitong Hulyo 20, 2026, upang parangalan ang mga natatanging grupong katuwang sa edukasyon ng libo-libong Imuseñong mag-aaral.

Pinangunahan ni SD Superintendent – Officer-in-Charge (OIC) Lito A. Palomar, kasama si Imus City Mayor Alex “AA” L. Advincula ang paggawad ng mga parangal. Bahagi rin dito sina Imus City Vice Mayor Homer T. Saquilayan, Konsehal Igi Revilla Ocampo—namumuno sa Komite ng Edukasyon—at Sangguniang Kabataan (SK) Federation President Glian Ilagan.

Ibinahagi naman ng panauhing tagapagsalita na si Department of Education (DepEd) Regional Director Region IV-A – OIC Dr. Carlito Rocafort ang kahalagahan ng patuloy na pagpapahusay ng kalidad ng edukasyon.

Ilan sa mga pinarangalan sa naturang pagtitipon ay ang Kabalikat Civicom Imus Chapter, Kiwanis Club of Cavite Maharlikans, Pasong Buaya II Barangay Council, Academia De Julia Victoria of Cavite, MAPECON Cavite Highlands Inc., Unida Christian Colleges, Inc., Valdez Cong Center, St. Edward School, at Parish of the Holy Family MPCALA Holdings Inc.

Binigyang-pagkilala rin si Mayor AA dahil sa kanyang kahanga-hangang suporta sa edukasyon sa Lungsod ng Imus.

Patuloy ang pagtutulungan ng Pamahaalaang Lungsod ng Imus at ng SDO Imus City para maiangat pa ang antas ng edukasyon sa lungsod.

View this article on Facebook