2nd Imus City Financial Expo, Business Check 2.0 gabay ng negosyanteng Imuseño

Kaalaman patungkol sa wastong pamamalakad ng negosyo at tamang paghawak ng pera ang sentro ng usapin sa Ikalawang Imus City Financial Expo at Business Check 2.0 ng Pamahalaang Lungsod ng Imus noong Setyembre 4–5, 2025, na ginanap sa Robinsons Imus.
Ang mga ito ay programa ng Office of the Local Economic Development and Investment Promotions Officer (OLEDIPO) na layong magabayan ang mga negosyanteng Imuseño, higit ang mga nagsisimula pa lamang, kung paano mapalalago ang kanilang mga negosyo.
Nasagot sa Business Check 2.0 noong Setyembre 4 ang 724 na katanungan ng mga negosyanteng Imuseño at nais magnegosyo.

Katuwang din sa pagsagot ng kanilang mga katanungan ang mga ahensya ng gobyerno na kinabibilangan ng:

-Bureau of Internal Revenue (BIR)
-Department of Labor and Employment (DOLE)
-Department of Science and Technology (DOST)
-Department of Tourism (DOT)
-Department of Trade and Industry (DTI)
-Food and Drug Administration (FDA)
-Pag-IBIG Fund
-Intellectual Property Office of the Philippines (IPOPHL)
-PhilHealth
-Social Security System (SSS).

Nakausap din ng mga Imuseño ang mga kawani ng E-BOSS Caravan at ang Imus City Chamber of Commerce and Industry Inc. (ICCCI).
Naliwanagan naman ang 145 negosyante sa Second Imus City Financial Expo kung paano makatutulong sa paglago ng negosyo ang mga bangko at financial institutions noong Setyembre 5.

Bahagi ng naturang financial expo ang:

-Asia United Bank
-Bank of the Philippine Islands
-BDO Unibank, Inc.
-China Banking Corporation
-CTBC Bank (Philippines) Corp.
-EastWest Bank
-Philippine National Bank
-Philippine Veterans Bank
-Security Bank Corporation
-Sterling Bank of Asia
-G-Xchange, Inc. (GCash)
-Cebuana Lhuillier Finance Corporation.

Taunang idinaraos ng OLEDIPO ang Imus City Financial Expo at Business Check bilang bahagi ng mga pagdiriwang ng Micro, Small and Medium Enterprise Month.